У Палацы культуры прафсаюзаў Беларусі 20 лютага 2020 года адбыўся VIII З'езд Беларускага прафесійнага саюза работнікаў сувязі, у якім прынялі ўдзел 155 дэлегатаў і каля 200 запрошаных. Сярод іх былі таксама прадстаўнікі ААТ «Белсувязьбуд».
У сваіх радах галіновы прафсаюз аб'ядноўвае сёння больш за 65 тысяч чалавек.
У працы З'езда прынялі ўдзел Міністр сувязі і інфарматызацыі Рэспублікі Беларусь Канстанцін Шульган, сакратар Федэрацыі прафсаюзаў Беларусі па міжнароднай працы Ганна Варфаламеева.
Падведзены вынікі працы прафсаюза за перыяд з 2015 па 2020 гады. Вызначаны мэты і задачы на будучыню. Прынята Праграма дзейнасці на 2020 - 2025 гады. Прайшлі выбары кіруючых органаў.
За справаздачны перыяд у галіне ўдалося захаваць працоўныя месцы, кадравы склад, забяспечыць планамерны рост заработнай платы і прымножыць сацыяльныя гарантыі для працаўнікоў.
- Мы пастаянна ажыццяўлялі грамадскі кантроль за выкананнем нормаў калектыўных дагавораў і тарыфных пагадненняў, - адзначыла старшыня Беларускага прафесійнага саюза работнікаў сувязі Ніна Гаўрылава. - Гэтая праца дазволіла дамагчыся аптымальнага захавання інтарэсаў працоўных і наймальнікаў.
Галоўным у дзейнасці прафсаюзных арганізацый галіны на бліжэйшыя гады застаецца працяг абранага курсу на адстойванне сацыяльна-эканамічных правоў і законных інтарэсаў работнікаў: годную працу і сацыяльную справядлівасць, заснаваныя на высокаэфектыўнай эканоміцы.
Міністр сувязі і інфарматызацыі Рэспублікі Беларусь Канстанцін Шульган даў высокую ацэнку рабоце галіновага прафсаюза і выказаў надзею на далейшае плённае супрацоўніцтва.
- Прафсаюзы - гэта тая сіла, якая можа эфектыўна і якасна дапамагаць у дасягненні вынікаў, якія чакаюць ад нас Прэзідэнт і ўрад, - сказаў у сваім выступе Канстанцін Шульган.
Старшынёй прафсаюза зноў абрана Ніна Гаўрылава.
Яна падзякавала ўсіх удзельнікаў Зьезду за аказаны давер, пажадала ўсім моцнага здароўя, мэтанакіраванасці, поспехаў у нялёгкай, але вельмі патрэбнай працы, сілы духу і дасягнення ўсіх намечаных мэтаў.
На VIII з'ездзе было гэтак жа сказана шмат пажаданняў, слоў падзякі, уручаны ўзнагароды. Старшыня першаснай прафсаюзнай арганізацыі ААТ "Белсувязьбуд" Гейсік Алена Канстанцінаўна была ўзнагароджана вышэйшай узнагародай Федэрацыі прафсаюзаў Беларусі - Граматай і нагрудным знакам Федэрацыі прафсаюзаў Беларусі. Віншуем Алену Канстанцінаўну з атрыманнем ўзнагароды, жадаем моцнага здароўя і далейшых поспехаў у працы.
Крыніца: http://svyaz.1prof.by
