9 і 10 кастрычніка 2020 года ў г. Полацку праходзіла Рэспубліканская спартакіяда кіруючых работнікаў ААТ «Белсувязьбуд».
Спорт - гэта здаровы лад жыцця, удасканаленне душы і цела. Галоўнае - гэта энтузіязм і захопленасць, а яны ёсць. Спартыўныя традыцыі ААТ «Белсувязьбуд» працягваюцца.
У ААТ «Белсувязьбуд» шмат увагі надаецца арганізацыі актыўнага адпачынку работнікаў. Пацверджанне таму і ёсць Рэспубліканская спартакіяда кіруючых работнікаў.
Каб натхніць і падбадзёрыць зборныя каманды, сказаць словы падтрымкі і пажадаць поспехаў з прывітальным словам выступілі генеральны дырэктар Таварыства Адамовіч Леанід Іванавіч, першы намеснік генеральнага дырэктара Сташкевіч Андрэй Паўлавіч і намеснік генеральнага дырэктара Ласоўскі Віктар Браніслававіч.
З першых хвілін на спартыўных пляцоўках пачалася рашучая сутычка. Спартыўны азарт і натхненне суседнічала з моцным і непераадольным жаданнем перамагчы.
Першае месца ў агульнакамандным заліку заняла зборная каманда філіяла №9, г. Полацк; другое месца - зборная каманда філіяла №3, г. Гомель; трэцяе месца з роўнай колькасцю балаў - адразу 3 зборныя каманды:
зборная каманда галаўнога падраздзялення, г. Мінск;
зборная каманда філіяла №4, г. Магілёў;
зборная каманда філіяла №6, г. Гродна.
Хочацца падзякаваць усім удзельнікам зборных каманд філіялаў і зборнай каманды галаўнога падраздзялення на чале з генеральным дырэктарам Леанідам Іванавічам Адамовічам за іх працу, за высокі спартыўны ўзровень, адказнасць, арганізаванасць, а таксама сказаць вялікі дзякуй нашаму дырэктарскаму корпусу ААТ «Белсувязьбуд» за разуменне важнасці і падтрымку, за ўдзел ва ўсіх фізкультурна-аздараўленчых і спартыўна-масавых мерапрыемствах на прадпрыемстве і вышэйстаячых арганізацый, за асабісты прыклад здаровага ладу жыцця.
Ўсім удзельнікам - здароўя, міру, дабра і сямейнага дабрабыту.
