Чарговыя 5 гадоў павінны стаць «пяцігодкай бездакорнай якасці прафсаюзнай работы», сказаў лідэр нацыянальнага прафцэнтра Міхаіл Орда, выступаючы перад удзельнікамі форуму.
У першую чаргу старшыня Федэрацыі прафсаюзаў закрануў беспрэцэдэнтную сітуацыю, у якой апынуўся ўвесь свет, - гаворка ідзе аб коронавірусе. Пандэмія кардынальна змяніла наша жыццё. Зразумела, змены зведала і праца нацыянальнага прафцэнтра. На першы план выйшлі задачы па мінімізацыі негатыўных наступстваў COVID-19, падтрымцы людзей і прадпрыемстваў.
- Яшчэ ў сакавіку ФПБ прыняла шэраг мер, накіраваных на захаванне працоўных месцаў, недапушчэнне звальненняў, забеспячэнне работнікаў дэзінфіцыйнымі сродкамі і аказанне неабходнай дапамогі сябрам прафсаюзаў, - нагадаў Міхаіл Орда. - Федэрацыя прафсаюзаў накіравала ва ўрад шэраг прапаноў па сацыяльна-эканамічнай падтрымцы грамадзян і юрыдычных асоб. І многія з іх былі ўлічаныя.
Міхаіл Орда удакладніў, што на падставе Указа Прэзідэнта «Аб падтрымцы эканомікі» шматлікія прадпрыемствы ўжо атрымалі прэферэнцыі і падатковыя льготы на суму каля 23 млн. рублёў. Паводле яшчэ аднаго дакумента - Указа «Аб часовых мерах дзяржаўнай падтрымкі наймальнікаў і асобных катэгорый грамадзян» у наймальнікаў з'явілася магчымасць атрымаць субсідыі для даплаты работнікам да мінімальнай зарплаты на выпадак вымушанай няпоўнай занятасці або прастою.
- Старшыні прафкамаў павінны трымаць гэтае пытанне на кантролі. Неабходна актыўна ўзаемадзейнічаць з кіраўніцтвам прадпрыемстваў, каб факты няпоўнай занятасці, недастатковага ўзроўню заработнай платы не замоўчваліся і людзі аператыўна атрымлівалі неабходную падтрымку, - падкрэсліў лідэр нацыянальнага прафцэнтра.
Чытаць цалкам: http://svyaz.1prof.by/