17 лістапада 2018 года працаўнікі філіяла №6 ААТ «Белсувязьбуд» г.Гродна наведалі гісторыка-культурны комплекс «Лінія Сталіна». У пошуках новых уражанняў, каб даведацца і ўбачыць шмат цікавага і дзіўнага, з самай раніцы турыстычны аўтобус адправіўся ў дарогу.
Нікога не пакінула раўнадушным мерапрыемства "Дзень артылерыста», прысвечанае прафесійнаму святу ваеннаслужачых ракетных войскаў і артылерыі, які штогод адзначаецца ў Рэспубліцы Беларусь і ў краінах постсавецкай прасторы. У Дзень артылерыста на тэрыторыі комплексу праводзіліся займальныя анімацыйныя праграмы ў спецыяльных інтэрактыўных зонах, дзе можна было выпрабаваць сябе, а таксама атрымаць падарункі і сувеніры. Затым адбылася ваенна-гістарычная рэканструкцыя «Сталінградская бітва», якая зрабіла экскурсію незабыўнай.
Тым, хто апынуўся тут упершыню, уражанняў хопіць надоўга. Дзякуючы такім экскурсійным паездкам, члены Першаснай прафсаюзнай арганізацыі філіяла змогуць не толькі добра працаваць, але і цікава дружна адпачываць, падарожнічаць і вывучаць гісторыю нашай краіны.
