26 верасня 2020 года Першаснай прафсаюзнай арганізацыяй філіяла №4 ААТ «Белсувязьбуд» сумесна з турыстычным аператарам «Магілёўтурыст» была арганізавана займальная экскурсія пад назвай «Горад над Сожам», па маршруце Магілёў-Гомель-Магілёў, з наведваннем Гомельскага дзяржаўнага цырка.
У экскурсіі прынялі ўдзел члены прафсаюза філіяла № 4. Групу суправаджаў дасведчаны экскурсавод, які на працягу ўсяго падарожжа захоплена распавядаў пра гісторыю месцаў, якія праязджалі, і пра багацце беларускай зямлі. Горад Гомель сустрэў магілёўцаў цёплым сонечным днём. Падчас экскурсіі работнікі філіяла наведалі палац Румянцавых-Паскевічаў, і таксама пабывалі на незабыўным прадстаўленні ў Гомельскім дзяржаўным цырку. Усе ўдзельнікі экскурсіі даведаліся шмат новага і атрымалі велізарнае задавальненне ад паездкі.