25 лістапада 2017 года адбылася экскурсійная паездка работнікаў галаўнога падраздзялення ААТ «Белсувязьбуд» у горад Нясвіж пад назвай «Гісторыя магнацкага роду».
«Гісторыя магнацкага роду»
Нясвіж - горад-легенда, горад з надзвычай багатым мінулым. Дзякуючы сваім уладальнікам, найбагацейшым магнатам Радзівілам, у 16 стагоддзі становіцца цэнтрам ардынацыі і сталіцай некаранаваных каралёў Вялікага княства Літоўскага. Вы наведаеце Фарны касцёл, першы ва Усходняй Еўропе помнік у стылі барока. Інтэр'еры храма багата дэкараваны фрэскавым роспісам. Касцёл з'яўляецца радавой пахавальняй князёў Радзівілаў.
У Нясвіжы вы ўбачыце Слуцкую браму - арыгінальны помнік архітэктуры барока, якая некалі ўваходзіла ў сістэму гарадскіх умацаванняў і выконвала ролю ўязной брамы са Слуцкага тракта. Пазнаёміцеся з гістарычным цэнтрам старога горада: гарадской Ратушай канца XVI - пачатку XVII ст.- самай старой з ратуш, якія захаваліся на Беларусі, гандлёвымі радамі, домам рамесніка.
Непаўторнае аблічча Нясвіжу надае палацава-паркавы комплекс (XVI-XVII стст.), акружаны міфамі аб легендарных скарбах Радзівілаў і Чорнай даме.