Штогод у трэці чацвер лістапада ў большасці краін свету адзначаецца Сусветны дзень некурэння. Прымеркаваная да гэтага дня рэспубліканская антытытунёвая інфармацыйна-адукацыйная акцыя, ініцыяваная Міністэрствам аховы здароўя Рэспублікі Беларусь, пройдзе ў нашай краіне з 12 па 15 лістапада 2018 г.
Мэта акцыі - зніжэнне распаўсюджанасці тытунёвай залежнасці, інфармаванне грамадскасці аб згубных наступствах спажывання тытуню і ўздзеяння тытунёвага дыму на здароўе, фарміраванне негатыўнага стаўлення да курэння, матывацыя да здаровага ладу жыцця.
У гэтым годзе Сусветны дзень некурэння прысвечаны прафілактыцы анкалагічных захворванняў, бо па дадзеных Міжнароднага саюза па барацьбе з ракам (UICC) сёння 30% усіх выпадкаў смерці ад раку звязаныя з курэннем. Скарачэнне спажывання тытуню напалову дасць магчымасць захаваць 170 мільёнаў жыццяў да 2050 г., таму анколагі прапануюць хоць бы адзін дзень у годзе правесці без цыгарэты.