Крыніца: kv.by
Cа студзеня па жнівень 2020 года эксперты «Лабараторыі Касперскага» выявілі ў беларускім сегменце інтэрнэту 3 434 скамерских рэсурсу, створаных ашуканцамі з мэтай выманіць грошы карыстальнікаў. Рашэнні «Лабараторыі Касперскага» заблакавалі амаль 400 тысяч спробаў пераходу беларускіх карыстальнікаў на такія сайты.
Скам - гэта паведамленні, у якіх карыстальнікам звычайна абяцаюць буйное грашовае ўзнагароджанне за праходжанне апытання або ўдзел у акцыі. Каб атрымаць грошы, чалавеку неабходна аплаціць невялікую «камісію» або «закрапляльны плацёж». Але ніякіх выплат карыстальнік не ўбачыць, а «камісія» дастаецца зламыснікам. У дадатак уладальнік карты рызыкуе захаванасцю сваёй аплатнай інфармацыі, калі ўводзіў адпаведныя дадзеныя.
Таццяна Сідорына, вядучы кантэнт-аналітык «Лабараторыі Касперскага»:
«Скам актыўна набірае абароты: па нашых прагнозах, колькасць такіх рэсурсаў будзе расці. Людзі праводзяць усё больш часу ў сетцы, і ашуканцы карыстаюцца гэтым, прыдумляючы розныя хітрыкі, з дапамогай якіх вымушаюць карыстальнікаў добраахвотна растацца з грашыма. Скамеры ўважліва сочаць за навінамі і трэндамі і рэгулярна ствараюць на іх аснове актуальныя сцэнары, часцей за ўсё заснаваныя на цікавасці да розыгрышаў і акцыях. Мы рэкамендуем па магчымасці пазбягаць прапаноў, у якіх да атрымання грошай папярэдне трэба здзейсніць які-небудзь перавод».