Асноўная функцыя маскі заключаецца ў бар'ернай затрымцы кропель вільгаці, якія ўтвараюцца пры кашлі і чханні, і ў якіх могуць знаходзіцца ва ўзважаным стане мікраарганізмы (вірусы, бактэрыі і інш.).
Правільнае прымяненне масак можа ў пэўнай ступені абмежаваць распаўсюд мікраарганізмаў.
Выкарыстанне масак эфектыўна толькі ў спалучэнні з іншымі метадамі прафілактыкі (мінімізацыя кантактаў, гігіена рук, дэзінфекцыя прадметаў).
Маска павінна выкарыстоўвацца:
- захварэлым чалавекам, у якога маюцца сімптомы рэспіраторнага захворвання (кашаль, чханне, насмарк і інш.),
- медыцынскім работнікам пры аказанні медыцынскай дапамогі пацыенту,
- работнікам (чалавекам) пры ажыццяўленні догляду за хворым чалавекам з рэспіраторным захворваннем.
Маска можа выкарыстоўвацца:
- здаровымі людзьмі пры знаходжанні ў месцах, дзе маецца верагоднасць кантакту з хворым чалавекам, які мае рэспіраторныя сімптомы.
Агульныя правілы для масак аднаразовага і шматразовага выкарыстання:
Правіла 1. Выкарыстоўваць маску не больш за дзве гадзіны.
Правіла 2. Неадкладна замяніць маску ў выпадку яе намакання (ўвільгатнення), нават калі прайшло менш за дзве гадзіны з моманту выкарыстання.
Правіла 3. Ня дакранацца рукамі замацаванай маскі.
Правіла 4. Старанна вымыць рукі з мылам ці апрацаваць спіртазмяшчальным сродкам пасля дакранання да выкарыстанай маскі.
Алгарытм выкарыстання маскі аднаразовага выкарыстання
- Апрацаваць рукі спіртазмяшчальным сродкам або вымыць з мылам.
- Утрымліваючы маску за завязкі або гумкі ўшчыльную паднесці да твару белым бокам унутр і фіксаваць завязкамі (гумкамі) у становішчы, калі цалкам прычынена ніжняя частка твару - і рот, і нос.
- У канцы надаць патрэбную форму гнуткай палосцы (насавога заціску), забяспечваючы шчыльнае прылеганне маскі да твару.
- Зняць выраб, утрымліваючы за завязкі (гумкі) ззаду, не датыкаючыся да пярэдняй часткі маскі.
- Пакласці знятую маску ў пакет, герметычна зачыніць, выкінуць у кантэйнер для адходаў (смеццевае вядро).
- Вымыць рукі з мылам ці апрацаваць спіртазмяшчальным сродкам.
- Пры неабходнасці надзець новую маску, выконваючы этапы 1-3.
Алгарытм выкарыстання маскі шматразовага выкарыстання
- Апрацаваць рукі спіртазмяшчальным сродкам або вымыць з мылам.
- Утрымліваючы маску за завязкі або гумкі ўшчыльную паднесці да твару і фіксаваць завязкамі (гумкамі) у становішчы, калі цалкам прычынена ніжняя частка твару - і рот, і нос.
- Праверыць, каб маска шчыльна прылягала да твару.
- Зняць выраб, утрымліваючы за завязкі (гумкі) ззаду, не датыкаючыся да пярэдняй часткі маскі.
- Пакласці знятую маску ў пакет, герметычна зачыніць, захоўваць да мыцця.
- Вымыць рукі з мылам ці апрацаваць спіртазмяшчальным сродкам.
- Пры неабходнасці надзець чыстую апрацаваную згодна п.6 маску, выконваючы этапы 1-3.
* У хатніх умовах маску неабходна сціраць, выкарыстоўваючы мыла (сродак для мыцця), асобна ад іншых рэчаў. Пасля мыцця маску можна апрацаваць парай з дапамогай праса з функцыяй падачы пара або парагенератара. Затым прагладзіць гарачым прасам (без пары) для выдалення вільгаці. Маска павінна быць цалкам сухая!
Крыніца: otb.by