Дарагія жанчыны, мамы, бабулі!
Прыміце самыя шчырыя віншаванні з Днём маці!
Дзень маці - адзін з самых цёплых святаў, прысвечаных нашым самым дарагім людзям - мамам, якія падарылі нам жыццё. Менавіта мама натхняе нас на поспехі, з глыбокім болем перажывае нашы няўдачы.
Матчына любоў засцерагае нас у жыцці, дапамагае будаваць шчаслівую сям'ю. Матчына добрае слова, яе ласкавы погляд і мудры савет патрэбныя не толькі дзіцяці, але і даросламу. Мы ўсе ў неаплатным даўгу перад нашымі матулямі.
Хай гэта светлае свята стане яшчэ адной магчымасцю выказаць матулям нашую павагу і падзяку. Дзякуй вам, нашы родныя! Шчасця вам, здароўя і радасці вашым дзецям. Няхай у вашых сем'ях заўсёды пануюць любоў і згода, а побач заўсёды знаходзяцца надзейныя мужчыны.
Генеральны дырэктар ААТ «Белсувязьбуд» Л.І. Адамовіч
