Па выніках конкурсу «Кампетэнтнасць-2014» пераможцам у сферы выпрабаванняў радыёэлектронікі, сувязі, нізкавольтнага абсталявання, інфармацыйных тэхналогій прызнана вытворчая лабараторыя ААТ «Белсувязьбуд». 9 чэрвеня 2015 года адбылася ўрачыстая цырымонія ўзнагароджання пераможцаў конкурсу «Кампетэнтнасць - 2014», прымеркаваная да Сусветнага дня акрэдытацыі.
Дыпломы і памятныя прызы ўручалі старшыня Дзяржаўнага камітэта па стандартызацыі Рэспублікі Беларусь Назаранка Віктар Уладзіміравіч і дырэктар БГЦА Мікалаева Таццяна Аляксандраўна.
Для папулярызацыі дасягненняў акрэдытаваных лабараторый і органаў па сертыфікацыі Рэспубліканскае ўнітарнае прадпрыемства «Беларускі дзяржаўны цэнтр акрэдытацыі» (БГЦА) штогод з 2011 г. праводзіць конкурс «Кампетэнтнасць». Пры выбары пераможцаў конкурсная камісія кіруецца наступнымі крытэрамі: кампетэнтнасць персаналу, забеспячэнне якасці вынікаў дзейнасці, тэхнічная аснашчанасць, задаволенасць спажыўцоў і інш.
Перамога ў конкурсе з'яўляецца аўтарытэтным пацвярджэннем якасці паслуг, якія прадстаўляюцца арганізацыямі, па ацэнцы адпаведнасці і стымулам для далейшага павышэння іх тэхнічнай кампетэнтнасці.
Мэта конкурсу - выявіць органы па ацэнцы адпаведнасці з ліку акрэдытаваных, якія здольныя не толькі дэманстраваць няўхільнае выкананне устаноўленых стандартам патрабаванняў, але і:
- імкнуцца да павышэння даверу спажыўцоў шляхам дэманстрацыі ўласнага прафесіяналізму, прэстыжу, лідэрства, пазнавальнасці, аўтарытэту ў канкрэтнай сферы паслуг па ацэнцы адпаведнасці;
- пісьменна займаюцца сваёй прафесійнай рэпутацыяй, надаючы ўвагу фарміраванню пазітыўнага стаўлення да гандлёвай маркі сваёй арганізацыі;
- адшукваюць і выкарыстоўваюць усе даступныя спосабы для прасоўвання ўласных паслуг;
- ствараюць перспектывы для павелічэння прафесійнага патэнцыялу, фінансавай стабільнасці сваёй арганізацыі, і ўмацавання яе пазіцыі на рынку.
Для аб'ектыўнага ацэньвання прэтэндэнтаў на перамогу вызначаны спецыялізаваныя намінацыі ў сферы выпрабаванняў і сертыфікацыі. Крытэрыі ацэнкі прэтэндэнтаў дыферэнцыраваны на асноўныя (звязаныя з выкананнем патрабаванняў асноватворнага стандарту) і дадатковыя (звыш устаноўленых стандартам патрабаванняў). Ўжываецца бальная сістэма ацэнкі.
Конкурс праведзены ў адпаведнасці з зацверджаным Палажэннем аб конкурсе сярод акрэдытаваных у Нацыянальнай сістэме акрэдытацыі Рэспублікі Беларусь суб'ектаў па выніках работ па акрэдытацыі за 2014 год.
У Рэспубліцы Беларусь каля 3 000 акрэдытаваных лабараторый (суб'ектаў), у тым ліку і вытворчая лабараторыя ААТ «Белсувязьбуд».
