15 лютага ў Рэспубліцы Беларусь адзначаецца памятная дата - Дзень памяці воінаў-інтэрнацыяналістаў. Роўна 30 гадоў таму завяршыўся вывад савецкіх войскаў з Афганістана: у гэты дзень ў 1989 годзе апошні савецкі салдат перайшоў мост памежнай ракі Амудар'я пад Термезам. Вайна ў Афганістане доўжылася 9 гадоў 1 месяц і 18 дзён.
Звыш 14 тысяч савецкіх воінаў загінулі на чужой зямлі, 6 тысяч памерлі пасля ад ран і хвароб, 311 чалавек зніклі без вестак. Гэта былі самыя вялікія страты Савецкай Арміі з часоў Вялікай Айчыннай вайны.
Каля 30 тысяч беларусаў прайшлі праз тую вайну, за дзевяць гадоў вайны Беларусь страціла ў Афганістане больш за 770 чалавек.
Гады, якія прайшлі з дня вываду абмежаванага кантынгенту савецкіх войскаў з Афганістана, не вылечылі боль стратаў, не аслабілі памяць аб тых, хто сумленна і самааддана выконваў свой патрыятычны і інтэрнацыянальны абавязак.
У галаўным падраздзяленні ААТ «Белсувязьбуд» працуюць 2 воіна-інтэрнацыяналіста: мантажнік сувязі-кабельшчык 4 разраду Логис Валерый Рыгоравіч і кіроўца аўтамабіля 5 разраду 1 класа Самусевіч Мікалай Сяргеевіч. У адпаведнасці з Калектыўным дагаворам ім была аказана матэрыяльная дапамога і ўручаны памятныя падарункі.
15 лютага 2019 года працаўнікі філіяла № 2 ААТ «Белсувязьбуд» прынялі ўдзел ва ўрачыстым мітынгу, прысвечаным 30-годдзю вываду Савецкіх войскаў з Рэспублікі Афганістан і Дню памяці воінаў-інтэрнацыяналістаў і цырымоніі ўскладання вянкоў і кветак да помніка воінам-інтэрнацыяналістам «Боль» у г . Віцебску.
Адміністрацыя і прафсаюзны камітэт філіяла № 2 ААТ «Белсувязьбуд» правялі ўрачыстае ўшанаванне воінаў-інтэрнацыяналістаў: Антонава Івана Феоставіча, трактарыста 4 разраду і Баранава Аркадзя Мікалаевіча, мантажніка сувязі-кабельшчыка 2 разраду.
У філіяле №4 ААТ «Белсувязьбуд» першаснай прафсаюзнай арганізацыяй была арганізавана ўрачыстая сустрэча кіраўніцтва філіяла і работнікаў, якія прымалі ўдзел у баявых дзеяннях у Рэспубліцы Афганістан, падчас якой былі ўручаны кветкі і памятныя падарункі воінам-інтэрнацыяналістам:
- Жала Анатоль Міхайлавіч - мантажнік сувязі-кабельшчык,
- Каханоўскі Леанід Іосіфавіч - мантажнік сувязі-спайщик,
- Язерскі Валерый Аляксандравіч - мантажнік сувязі-спайщик,
- Новікаў Міхаіл Аляксандравіч - кіроўца аўтамабіля.
Таксама работнікі філіяла прынялі ўдзел ва ўрачыстым мітынгу, арганізаваным Магілёўскім абласным выканаўчым камітэтам, і ўшанавалі памяць магілёўцаў, якія не вярнуліся жывымі на родную зямлю, хвілінай маўчання і ўскладаннем кветак да помніка «Воінам-інтэрнацыяналістам».
У філіяле №6 ААТ «Белсувязьбуд» было арганізавана ўрачыстае ўшанаванне двух работнікаў воінаў-інтэрнацыяналістаў: Мискевича Уладзіміра Уладзіміравіча, мантажніка сувязі-кабельшчыка, грузчыка і Антонавіча Віктара Ігнатавіча, кіроўцы аўтамабіля. Іх цёпла павіншавалі дырэктар філіяла Грышаль Леанід Пятровіч і старшыня першаснай прафсаюзнай арганізацыі Казакова Наталля Іванаўна. Калегам-афганцам былі ўручаны каштоўныя падарункі і кветкі.