матэрыял падрыхтаваны
Акадэміяй кіравання пры Прэзідэнце Рэспублікі Беларусь
на аснове звестак
рэспубліканскіх органаў дзяржаўнага кіравання, аблвыканкамаў, Нацыянальнай акадэміі навук Беларусі, ГА «Беларускі рэспубліканскі саюз моладзі»
Амаль 30 гадоў Рэспубліка Беларусь існуе на палітычнай мапе свету. За гэтыя гады наша краіна адбылася як суверэнная і незалежная дзяржава. Была прынятая Канстытуцыя краіны - аснова беларускай дзяржаўнасці, уведзены інстытут прэзідэнцтва як гарант міру, стабільнасці і бяспекі, пабудавана дакладная і зладжаная сістэма органаў дзяржаўнай улады.
Сучасная Рэспубліка Беларусь упэўнена ідзе ўласным шляхам развіцця. І сёння ў нас ёсць галоўнае - мірная, стабільная, прыгожая і незалежная краіна. Ёсць гераічная гісторыя, якой мы ганарымся, багатая культурная, духоўная спадчына, традыцыі.
У беларускага народа выдатная літаратура, музыка, жывапіс, архітэктура, якія нас сілкуюць і якімі мы захапляемся. Для нас дарагая наша выразная мова, якую трэба берагчы, вывучаць і развіваць. Нам пакінута ў спадчыну гераічная гісторыя, якую неабходна памятаць і напаўняць новымі здзяйсненнямі, каб з годнасцю даць наступным пакаленням беларусаў. Гэта каштоўныя складнікі, якія дазваляюць не згубіцца сярод мноства нацый і народнасцяў, адчуваць сябе адзінай самабытнай сям'ёй, шанаваць сваю свабоду і незалежнасць.
У суверэннай Беларусі ўдалося не толькі захаваць традыцыі, але і закласці новыя. Здавалася б, 28 гадоў - адрэзак часу ў гістарычным плане невялікі, але як шмат значыць ён у гісторыі краіны. За гэты час маладая Беларусь паступальна развівалася, пераадольваючы цяжкасці, захоўваючы пры гэтым мір і стабільнасць у грамадстве, упершыню з'явілася законнае права праводзіць сваю ўнутраную і знешнюю палітыку, магчымасць выпрацоўваць формы ўзаемадзеяння з усім светам, сфарміраваць свае унікальныя традыцыі ў розных сферах жыцця (сацыяльнай, палітычнай, духоўнай). У іх ліку Усебеларускі народны сход, агульнанацыянальная патрыятычная акцыя «Беларусь памятае», міжнародны фестываль мастацтваў «Славянскі базар у Віцебску», свята «Купалле», дабрачынная акцыя «Нашы дзеці», ўшанаванне працаўнікоў вёскі «Дажынкі», ўручэнне прэмій «За духоўнае адраджэнне », спецыяльных прэмій Прэзідэнта Рэспублікі Беларусь дзеячам культуры і мастацтва, Калядны міжнародны турнір аматараў хакея, рэспубліканскі баль выпускнікоў устаноў вышэйшай адукацыі і многія іншыя.
Крыніца: https://minsk.gov.by/ru/actual/view/209/2019/inf_material_2019_12.shtml