Матэрыял падрыхтаваны на аснове звестак Міністэрства архітэктуры і будаўніцтва Рэспублікі Беларусь
Будаўніцтва з`яўляецца адной з базавых галін эканомікі Беларусі, дзе вырашаюцца жыццёва важныя задачы развіцця вытворчай і невытворчай сфер, забеспячэння грамадзян жыллём і сацыяльна значнымі аб'ектамі (школы, дзіцячыя сады, паліклінікі, бальніцы, крамы і г.д.).
Ад эфектыўнасці работы будаўнічага комплексу шмат у чым залежыць эканамічны рост краіны. На яго долю ў розныя гады даводзілася ад 10% да 6% ВУП.
Сучасная Беларусь - тэрыторыя маштабных будоўляў. Архітэктурнае аблічча краіны ўпрыгожваюць новыя аб'екты культуры, аховы здароўя і спорту, жыллёвыя кварталы, прамысловыя прадпрыемствы. Паспяхова рэалізаваны праекты, якія па праве можна назваць візітнай карткай рэспублікі: шматфункцыянальныя спартыўныя комплексы "Мінск-арэна" і "Чыжоўка-Арэна", Беларускі дзяржаўны музей гісторыі Вялікай Айчыннай вайны, Нацыянальная бібліятэка Беларусі, штаб-кватэра Нацыянальнага алімпійскага камітэта, Палац Незалежнасці, плошча Дзяржаўнага сцяга Рэспублікі Беларусь, Цэнтр мастацкай гімнастыкі і шмат іншых.
Штогод беларускія будаўнікі ўзводзяць некалькі мільёнаў квадратных метраў жылля.
Даведачна.
За 2017 год уведзена 3,8 млн. м2 жылля. У сельскіх населеных пунктах уведзена ў эксплуатацыю 1,5 млн. м2 агульнай плошчы жылля.
За 2018 год уведзена 3,9 млн. м2 жылля. У сельскіх населеных пунктах уведзена ў эксплуатацыю больш за 1,6 млн. м2 агульнай плошчы жылля.
У мінулым годзе на будаўніцтва аб'ектаў інжынернай і транспартнай інфраструктуры па ўсёй краіне (дарогі з жвіровым пакрыццём, пад'езды да дамоў, сеткі: святло, халодная вада) асвоена больш 544 млн. рублёў.
У 2018 годзе прырост аб'ёмаў вытворчасці забяспечаны як на будаўнічых пляцоўках, так і ў завадскіх цэхах прадпрыемстваў будіндустрыі. У 2018 годзе рост валавога дададзенага кошту па будаўнічай галіне склаў 4,2%, удзельная вага будаўніцтва ў структуры ВУП - 5,3%.
У стадыі рэалізацыі знаходзіцца Дзяржаўная праграма "Будаўніцтва жылля" на 2016-2020 гады (далей - Дзяржаўная праграма), якая накіравана на стварэнне ўмоў для задавальнення грамадзянамі патрэбы ў даступным і камфортным жыллі згодна іх індывідуальным запытам і фінансавым магчымасцям.
Будаўніцтва жылля ў Беларусі праходзіць у адпаведнасці з агульнай канцэпцыяй развіцця эканомікі краіны, якая прадугледжвае скарачэнне долі бюджэтнага фінансавання і пашырэнне выкарыстання пазабюджэтных крыніц.