Жыллёвае будаўніцтва ў Беларусі: новыя падыходы ў заканадаўстве і сітуацыя ў рэгіёнах
Матэрыялы падрыхтаваны Інфармацыйна-аналітычным цэнтрам пры Адміністрацыі Прэзідэнта Рэспублікі Беларусь на аснове інфармацыі Міністэрства архітэктуры і будаўніцтва Рэспублікі Беларусь, Нацыянальнага банка Рэспублікі Беларусь
Вынікі вывучэння грамадскай думкі сведчаць пра актуальнасць пытанняў забеспячэння насельніцтва жыллём. Так, па дадзеных рэспубліканскага апытання, праведзенага Інфармацыйна-аналітычным цэнтрам пры Адміністрацыі Прэзідэнта Рэспублікі Беларусь у IV квартале 2018 г., жыллёвае пытанне займала сёмую пазіцыю сярод праблем, якія хвалююць грамадзян (пасля росту коштаў, алкагалізму і наркаманіі, медыцынскага абслугоўвання, працаўладкавання і інш. ). На яго значнасць ўказаў кожны чацвёрты рэспандэнт (24%).
Пытанне забеспячэння грамадзян якасным і даступным жыллём знаходзіцца на пастаянным кантролі Прэзідэнта Рэспублікі Беларусь А. Р. Лукашэнка.
Як адзначыў Кіраўнік краіны 3 кастрычніка 2017 г. на нарадзе па праекту новай рэдакцыі Жыллёвага кодэкса, "рашэнне кватэрнага пытання - адзін з асноўных індыкатараў развіцця грамадства". "Мы павінны стварыць усе ўмовы і механізмы, каб дапамагчы людзям, якія жывуць у нястачы, перш за ўсё, у паляпшэннi жыллёвых умоў. Гэты напрамак - найважнейшы складнік сацыяльнай палітыкі Беларусі", - заявіў беларускі лідэр.
Крыніца : https://minsk.gov.by/ru/actual/view/209/2018/inf_material_2018_12.shtml