Матэрыял падрыхтаваны Акадэміяй кіравання пры Прэзідэнце Рэспублікі Беларусь
на аснове звестак Міністэрства аховы здароўя,
Міністэрства адукацыі,
Міністэрства працы і сацыяльнай абароны Рэспублікі Беларусь
Паводле Асноўнага Закону нашай краіны, шлюб, сям'я, мацярынства, бацькоўства i дзяцiнства знаходзяцца пад абаронай дзяржавы (артыкул 32 Канстытуцыі Рэспублікі Беларусь).
Прэзідэнт Рэспублікі Беларусь А. Р. Лукашэнка пастаянна адзначае, што «сацыяльная палітыка, якая праводзіцца ў краіне садзейнічае таму, каб жанчыны змаглі ажыццявіць сваё прызначэнне - вырасціць і выхаваць здаровых і шчаслівых дзяцей». Меры, што прымаюцца ў гэтым напрамку, дазваляюць планамерна абараняць мацярынства і дзяцінства, павышаць статус і прэстыж ўзорнай сям'і.
Беларуская дзяржава і надалей будзе ствараць неабходныя ўмовы для паспяховай дзейнасці жанчын ва ўсіх сферах жыцця.
Даведачна.
У суверэннай Беларусі дастаткова прыкладаў, калі жанчына-маці паспяхова спалучае мацярынства, прафесійную і грамадскую дзейнасць. Напрыклад, шматдзетнымі маці з'яўляюцца: знакамітая веласіпедыстка, васьмікратная чэмпіёнка свету, старшыня Беларускай федэрацыі веласіпеднага спорту Наталля Цылінская (4 дзяцей); пісьменнік, журналіст, рэжысёр і радыёвядучая Тамара Лісіцкая (3 дзяцей) вядомая спявачка Ларыса Грыбалёва (3 дзяцей); экс-намеснік Кіраўніка спраў Прэзідэнта Рэспублікі Беларусь, намеснік генеральнага дырэктара Беларускай нацыянальнай біятэхналагічнай карпарацыі Надзея Каткавец (4 дзяцей) і многія іншыя.
Стваральная роля маці, пазітыўныя жыццёвыя арыенціры дзяцей - гэта тыя асновы, без якіх немагчыма ўмацаванне прэстыжу сям'і, духоўнае адраджэнне грамадства, фарміраванне грамадзянскіх інстытутаў, паўнавартаснае развіццё дзяржавы.
Ключавымі напрамкамі дзейнасці беларускай дзяржавы ў сферы аховы мацярынства і дзяцінства з'яўляюцца:
- ўдасканаленне нарматыўнай прававой базы па пытаннях аховы мацярынства і дзяцінства;
- ахова рэпрадуктыўнага здароўя насельніцтва, стварэнне ўмоў для нараджэння здаровых дзяцей;
- захаванне здароўя маці і дзяцей;
- развіццё сеткі ўстаноў аховы здароўя;
- павышэнне эфектыўнасці сістэмы сацыяльнай абароны маці і дзіцяці, маладых сем'яў (сям'я, у якой абодва або муж ці жонка (бацькі у няпоўнай сям'і) знаходзяцца ва ўзросце да трыццаці аднаго года).
Прававыя аспекты дзяржаўнай падтрымкі і абароны сям'і, мацярынства, бацькоўства і дзяцінства
Крыніца : https://minsk.gov.by/ru/actual/view/209/2019/inf_material_2019_08.shtml