Падведзены вынікі агляду-конкурсу на лепшую работу па ахове працы за 2018 год у арганізацыях сістэмы Міністэрства сувязі і інфарматызацыі Рэспублікі Беларусь.
Міністр сувязі і інфарматызацыі Рэспублікі Беларусь Канстанцін Шульган і старшыня Рэспубліканскага камітэта прафсаюза работнікаў сувязі Ніна Гаўрылава ва ўрачыстай абстаноўцы ўручылі дыпломы і павіншавалі пераможцаў і лаўрэатаў.
ААТ «Белсувязьбуд» заняла першае месца ў аглядзе-конкурсе на лепшую арганізацыю работы па ахове працы за 2018 год сярод арганізацый сістэмы Міністэрства сувязі і інфарматызацыі Рэспублікі Беларусь з прысваеннем звання «Пераможца агляду-конкурсу на лепшую арганізацыю работы па ахове працы за 2018 год» і уручэннем дыплома 1 ступені.
У ААТ «Белсувязьбуд» абсталяваны і працуе клас па ахове працы, дзе праводзіцца інструктаж і праверка ведаў работнiкаў.
У адпаведнасці з патрабаваннямі Правілаў пажарнай бяспекі абсталяваны інфармацыйны стэнд па забеспячэнню пажарнай бяспекі і бяспекі жыццядзейнасці, дзе размяшчаюцца матэрыялы прафілактычнага характару па тэматыцы забеспячэння пажарнай бяспекі.
Для эфектыўнай працы па выкананню заканадаўства аб ахове працы абсталяваны інфармацыйны стэнд грамадскага кантролю, дзе размешчаны:
- спіс грамадскіх інспектараў па выкананні заканадаўства па ахове працы,
- план працы грамадскай камісіі па выкананні заканадаўства па ахове працы,
- фота грамадскіх інспектараў і інш. інфармацыя.
