З самага пачатку існавання ААТ «Белсувязьбуд» былі зададзены асноўныя арыенціры ў дзейнасці працоўнага калектыву - прафесіяналізм і якасць выканання будаўніча-мантажных работ. І такі падыход да справы цалкам апраўдаў сябе, дазволіўшы за час існавання прадпрыемства стаць шматпрофільнай кампаніяй, поспехі якой на сучасным рынку будаўніча-мантажных паслуг шырока вядомыя і па вартасці заслугоўваюць самай высокай ацэнкі.
У 1964 году па хадайніцтве Міністэрства сувязі БССР ўрад рэспублікі прыняў пастанову аб стварэнні спецыялізаванага трэсту па будаўніцтве аб'ектаў сувязі «Белсувязьбуд». У мэтах выканання Пастановы Савета Міністраў БССР ад 18.01.1964 года за №23 Міністр сувязі БССР Афанасьеў П.В. выдаў загад № 45 ад 26 сакавіка 1964 года "Аб арганізацыі трэсту «Белсувязьбуд» Міністэрства сувязі БССР». У пункце №2 гэтага загаду было запісана: «Перадаць трэсту «Белсувязьбуд» існуючыя ў галінах СМУ з усімі асноўнымі сродкамі і матэрыяламі, грашовымі фондамі па стане на 1 красавіка 1964 года". Гэтая дата і з'яўляецца па сутнасці датай арганізацыі трэсту «Белсувязьбуд». За 50 гадоў свайго існавання трэст прайшоў нялёгкі шлях станаўлення ў магутную спецыялізаваную падрадную арганізацыю, здольную вырашаць любыя задачы па будаўніцтве лінейных і станцыйных збудаванняў сувязі.
Высокасласная каманда прафесіяналаў, здольная выконваць увесь комплекс работ "пад ключ" дазваляе нам рэалізоўваць самыя унікальныя і амбіцыйныя праекты шматлікіх заказчыкаў. Любы куток нашай краіны носіць адбітак годнай працы работнікаў філіялаў ААТ «Белсувязьбуд».