З 14 па 18 мая 2018 г. пад патранажам Міністэрства сувязі і інфарматызацыі і пры ўдзеле шырокага кола дзяржаўных органаў Рэспублікі Беларусь, асацыяцый прыватнага бізнесу і іншых зацікаўленых асобаў у г. Мінску адбыўся XXV Міжнародны форум па інфармацыйна-камунікацыйных тэхналогіях TIBO 2018. (ІКТ Форум ТІБО ).
ІКТ Форум ТІБО праводзіцца ў Рэспубліцы Беларусь на штогадовай аснове і ўяўляе сабой пляцоўку для абмену новымі дасягненнямі і перадавым вопытам у сферы інфармацыйных тэхналогій.
ААТ «Белсувязьбуд» таксама прыняла ўдзел у выставе TIBO-2018 і на сваім стэндзе прадставіла магчымасці прадпрыемства па будаўніцтву сетак тэлекамунікацый.
Стэнд ААТ «Белсувязьбуд» выклікаў вялікую цікавасць у наведвальнікаў выставы. Асаблівай папулярнасцю карысталася прадстаўленая на стэндзе ААТ «Белсувязьбуд» схема арганізацыі пасіўнай аптычнай сеткі PON, на якой вельмі наглядна была паказана пабудова сеткі.
Стэнд ААТ «Белсувязьбуд» наведалі Міністр сувязі і інфарматызацыі Рэспублікі Беларусь Папкоў Сяргей Пятровіч, прадстаўнікі праектных інстытутаў, кіраўнікі і тэхнічныя спецыялісты арганізацый Міністэрства сувязі і інфарматызацыі.
