1 красавіка 2019 года споўнілася 55 гадоў з дня ўтварэння ААТ «Белсувязьбуд».
Створаны ў 1964 годзе спецыялізаваны трэст па будаўніцтву аб'ектаў сувязі «Белсувязьбуд» у кароткія тэрміны падняў на новы ўзровень дынаміку будаўніцтва і ўводу ў эксплуатацыю міжгародніх кабельных ліній, магістральных і размеркавальных сетак сувязі, гарадскіх і сельскіх АТС.
Усё, што зроблена ў перыяд 1964-2019 г.г. трэстам і яго пераемнікам ААТ «Белсувязьбуд», - вынік напружанай стваральнай працы калектыву, адданых сваёй справе людзей, іх умення ісці ў нагу з часам, бачыць і ўкараняць найноўшыя тэхналогіі ў галіне развіцця і ўдасканалення тэлекамунікацыйных сетак.
Гонар ААТ «Белсувязьбуд» - гэта, перш за ўсё, яго супрацоўнікі. І самыя цёплыя словы падзякі і віншаванні вам, ветэраны і работнікі ААТ «Белсувязьбуд».
Прыміце пажаданні моцнага здароўя, добрага настрою і аптымізму, паспяховай рэалізацыі новых праектаў.
Са святам!
Першы намеснік генеральнага дырэктара І.В.Рак