У гэтым годзе гэтая дата адзначаецца 25-ы раз. У Дзень маці віншуюць усіх жанчын, якія спазналі радасць мацярынства або рыхтуюцца стаць мамамі. Існуе два меркаванні пра гісторыю дадзенай падзеі. Паводле першага, гэта даніна павагі маці, дзякуючы якім у кожнага з нас ёсць незабыўныя светлыя пачуцці і ўспаміны, а таксама тым, хто мусіць даць першыя ўрокі дабрыні, маральнасці, духоўнасці і чалавекалюбства. Акрамя таго, ёсць версія, што гісторыя гэтага асаблівага дня пачынаецца з праваслаўнага свята Пакрова Прасвятой Багародзіцы. Дзень маці адзначаюць у многіх краінах свету, аднак менавіта ў Беларусі ён прымеркаваны да гэтай рэлігійнай урачыстасці.
Ордэнам Маці ў Беларусі ўзнагароджваюцца жанчыны, якія нарадзілі і выхавалі пяць і больш дзяцей, прычым пятае дзіця павінна дасягнуць ўзросту аднаго года.
Аказваецца, што мацярынства, а асабліва шматдзетнасць, хоць і абцяжарвае мноствам абавязкаў, але зусім не ставіць крыж на жыцці дарагіх маці. Хутчэй наадварот: дае сілы займацца тым, што важна на самай справе. Пры гэтым менавіта дзеці становяцца для такіх актыўных мам першымі памочнікамі, крыніцай ідэй і спадарожнікамі поспехаў.
У ААТ «Белсувязьбуд» 43 работніка выхоўваюць траіх і больш дзяцей, у тым ліку адна жанчына мае статус шматдзетнай маці, гэта Плечко Вольга Мікалаеўна, работнік філіяла №5.
У ААТ «Белсувязьбуд» штогод віншуюць жанчын з гэтым святам, аказваючы матэрыяльную дапамогу шматдзетным маці, арганізуючы салодкі стол і канцэртныя праграмы. Першасная прафсаюзная арганізацыя са свайго боку таксама аказвае матэрыяльную дапамогу, арганізоўвае віншаванне жанчын-маці.
Часцяком занадта позна мы заўважаем, што многімі дасягненнямі ў жыцці мы абавязаны маме і яе цёпламу, ненадакучліваму, часам непрыкметнаму ўдзелу. Ніхто не любіць нас так, як мама. А ці часта мы адказваем ёй тым жа? Ці не крыўдзім маму сваёй абыякавасцю? Можа быць, прыйшоў час задумацца і звярнуць увагу на тое, як самааддана і верна дзеці любяць сваіх бацькоў. Дзень маці - добрая нагода выказаць ёй сваю любоў і падзяку.