11 лістапада па ініцыятыве міжнароднай экалагічнай сеткі «Школьны праект па выкарыстанні рэсурсаў і энергіі» (SPARE) абвешчана Днём энергазберажэння (International Day of Energy Saving).
Рашэнне аб заснаванні гэтага свята было прынята ў красавіку 2008 года на міжнароднай нарадзе каардынатараў SPARE, якая праходзіла ў Казахстане. А ўжо ў лістападзе 2008-га свет адзначыў першы Дзень энергазберажэння.
Гэтае свята атрымала статус міжнароднага, паколькі прыняць удзел у праекце пажадалі каля 20 краін. Асноўная мэта свята - прыцягнуць увагу ўладаў і грамадскасці да рацыянальнага выкарыстання рэсурсаў і развіцця аднаўляльных крыніц энергіі. Праблема энергазберажэння нашмат глыбей, чым можа здацца на першы погляд. Эканомія энергіі дазволіць знізіць забруджванне навакольнага асяроддзя.
У многіх гарадах свету ў гэты дзень праходзяць разнастайныя акцыі. Акрамя таго, энергазберажэнне выгадна эканамічна. Мерапрыемствы па эканоміі энергарэсурсаў у два з паловай - тры разы танней, чым вытворчасць і дастаўка спажыўцам такой жа колькасці ізноў атрыманай энергіі. Тым больш, што самыя простыя і элементарныя меры энергазберажэння даступныя кожнаму і могуць быць ужытыя ў побыце фактычна паўсюдна.
У міжнародны Дзень энергазберажэння ва ўсіх краінах, дзе адзначаецца гэтае свята, у тым ліку і ў Беларусі, праходзяць мерапрыемствы, накіраваныя на тое, каб праінфармаваць людзей пра спосабы энергазберажэння і існуючыя аднаўляльныя крыніцы энергіі, распавесці, чаму важна эканоміць энергію. У многіх гарадах свету ў гэты дзень праводзяцца тэматычныя канферэнцыі, выставы і акцыі, у навучальных установах праходзяць урокі, прысвечаныя тэме энергазберажэння.