1 кастрычніка - дзень дабра і павагі - міжнародны дзень пажылых людзей
Дзень пажылога чалавека прынята адзначаць паўсюдна ў першы дзень другога восеньскага месяца - 1 кастрычніка. У 2019 годзе свет будзе святкаваць 29-ы Дзень пажылога чалавека па ліку.
Дзень пажылога чалавека - гэта добрае і светлае свята, у гэты дзень мы атачаем асаблівай увагай нашых бацькоў, бабуль і дзядуляў. Гэтае свята вельмі важнае, бо яно дазваляе прыцягнуць увагу да шматлікіх праблемаў пажылых людзей, якія існуюць у сучасным грамадстве.
Міжнародны дзень пажылых людзей пачалі адмячаць у ХХ стагоддзі. Генэральная Асамблея ААН у снежні 1990 гада пастанавіла лічыць Міжнародным днём пажылых людзей 1-ае кастрычніка. Спачатку гэтае свята пачалі адзначаць у Еўропе, затым у Амерыцы, а ў канцы 90-х гадоў — і ваўсім свеце. Дзень пажылых людзей адзначаецца з вялікім размахам у скандынаўскіх краінах. Традыцыйна адзначаецца ён у Расеі, Азербайджане, Латвіі, Малдове, Украіне. У Беларусі Дзень пажылых людзей адзначаецца з 1992 года.
Як правіла, пажылымі называюць людзей, якія дасягнулі пенсіённага ўзросту. У Беларусі гэты ўзрост надыходзіць для жанчын у 58 гадоў, для мужчын у 63 гады. На думку Сусветнай арганізацыі аховы здароўя да "пажылых" ставяцца людзі ва ўзросце 60-80 гадоў.
У Беларусі на пачатак 2018 года пражывалі 2041,1 тыс. пажылых людзей. За апошнія дзесяць гадоў колькасць пажылых людзей у Беларусі павялічылася на 245,5 тыс. чалавек, або на 14%. Жанчын сярод пажылых амаль у два разы больш, чым мужчын. У Беларусі ў агульнай колькасці пажылых людзей, па апошніх дадзеных, жанчыны складаюць 64,4%, мужчыны - 35,6%.
Мы ў неаплатным даўгу перад людзьмі старэйшага пакалення, але ў нашых сілах зрабіць іх жыццё лепш, напоўніць яе цяплом і святлом.